هلا فيكم يا حلوين.... أنا صارلي فترة ما كتبت موضوع بالبلووق... كل بوستاتي صايرة مسلسل لم أستطع هل أيام...بس ناقص اني احول اسم بلوقي الى لم أستطع.بلوقسبوت هههههههه ... أنا خذيت رخصة القيادة من فترة .. و كان المفروظ يسقطوني بإمتحان القيادة بس الحمدالله ...الله عداها على خير... و بعد ما خذيت رخصة القيادة و سافرت أمريكا, 6 أشهر و بيدي رخصة القيادة ولا سقت اي سيارة... و لما رجعت الكويت , أبوي أصر علي إني أسوق.... و كله يقولي بأجرلك سيارة و انا أقوله بعدين... و يه يوم من الأيام قلت له أوكي... و أول يوم سقت فيه كان صعب شوي.. رجعت البيت بليل و كنت ابي أنام.. وكل ما أغمض عيني أتخيل حادث مروري ... أدش بنص الدوار أو أنحرف عن الرصيف أو ادش اب سيارة... بعدها ما قدرت أستحمل و بجيت.... تعلمت أن السياقة صعبة بالأول بس إلحين صارت شي عادي بفضل الله... الحمدالله على كل حال...
بعد ما تكلمت عن تجربتي بالسياقة... أبي أعرف كيف كانت تجربتك أنت؟ وهل حدث معك حادث مروري؟
بعد ما تكلمت عن تجربتي بالسياقة... أبي أعرف كيف كانت تجربتك أنت؟ وهل حدث معك حادث مروري؟
9 comments:
يا ساتر!
الله يبعد عننا الحوادث !!
لا، أنا صار لي زمآن عندي رخصة و أسوق، لكن، الحمد لله، عمري ما صار معي حادث!
لكن، أعترف أني حذر جدا و أحترم الإشارات ! مش مثل البعض :)
قصتك أتابعها، لكن، صايرة و لا أجدع فيلم رعب أمريكاني ههههههههه
باي
أنا ما أقدر أجاوب لاني ما خذيت ولا سقت,,
أول ما أجرب هاليومين بأقولك لوووووووول هعهعهعهعهع
لوووول
أنا فاشل في السواقه
بس بكره بيجي واحد بيعلمني
و بأخبك أن شاء الله
تقبل مروري
السلام عليكم .. كيف الحال عساك بخير ؟
أعتقد أنها أول زيارة لي لبلوقك بس فعلا أثرت أعجابي بكتاباتك وأسلوبك
بخصوص ليسن أذكر أني مطلعنه واسطة خخخخ صح اني بالبداية كنت وايد أخاف وايد ملتزم بالشارع واحس بخوف شوي لكن الحينه خلاص قمت اتهور ولا شبعت حوادث بعد بس حمدلله كلها بسيطة ويات في الحديدة
وأ‘تبرني من المتابعين لك .. وتحياتي لك :)
gay ana
شكرا لمرورك و تعليقك ... و معاك حق مسلسلي صاير فيه واايد أكشن... مليت من قصص العربية الكلاسك و الرومانسية...فقلت لازم أسوي مسلسل أكشن و رومانسي مثلي ...
MaRWaN SAeeD
الله يعينك و يسهل عليك امتحانك ..بالتوفيق .. وشكرا على الكومنت :)
Turquoise
أنا الحمدالله ماشية الأمور بفضل الله. إنشالله أنت بخير ... تسلم على المديح :) ... لأنك أعجبت بإسلوب كتابتب, أنا أنصحك بشدة إنك إتابع مسلسلي "لم أستطع" و إذا تبي تبذة عنه ... المسلسل يحكي قصة رومانسية مثلية مملوءه بالأكشن و الإثارة و الحماس ... وشكرا على مرورك
الحوادث اللي صدمت فيها كثيييير
بس ولا واحد منهم كان خطير لانهم بالعاده على سرعه بطيئه
الا مره كنت في الخط السريع وكانت امي معاي وكنت لابس العقال
يوم صدمنا طاح عقالي على امي
ويوم وقفنا خذت امي العقال وطقتني به هههههههههههههههههه
هلا
انا لسة مع الترايات
حتى الان سويت 5 والسادس في هذا الشهر دعواتك لي بالتوفيق
على سيرة الحوادث انا سويت حادث وانا اتدرب
معي المدرب وسايق في شارع سريع السرعة فيه 100 وانا سايق ب 120
وفجاءة سيارة امامي تلزم بريك قوي
وانا ما كنت حاطي مسافة امان وركبت فيها بقوة
كسرت السيارة اللي راكبها والسيارة اللي صدمتها
وطلعت بنت بس الشررطي طلع المدرب غلطان لانه ما منتبه
وما تكلم معي ولا كلمة اما البنت اصلا ما طلعت من السيارة اظن انها عملتها في روحها
ههههههههههه
اول قيادة لي كانت بعد حصولي على الرخصة يستة اشهر لانني كنت اعاني من فوبيا القيادة مثلك تماما
والان لا اتحمل ان يقود شخص اخر بي بل احب القيادة لوحدي
mna7y hilton
الحمدالله ..و الله يحفظك يا حلو ...شصار بالعقال اللحين...ههههههههه
_____________
غريب
إنشالله تنجح بالتراي و تفرحنه .... و سلامات على الحادث إنشالله يكون أول واحد و آخر واحد...
___________________
NakedBoy
مشالله نفس حالتي بالضبط ... أنا الحين أخاف أسوق و أنا فيني النوم... و شكثر ناس سواقتها مينونه بشوارعنا... الله الحافظ
Post a Comment