إسترجل
هذا المعنى اللي صديقي..اقرب الناس لي...قطه علي بكل برود...انا ما اقول اهو غلطان او شرير..بالعكس كلامه صح..بس الطريقة اللي قالها صج جرحتني..انا قاعد اكتب هذا الكلام و دمعتي ليلحين ما جفت من خدي..
انا دوم كان اسلوبي ناعم شويه من كنت صغير الى اليوم..انا ما تربيت ويه بنات..بس اتوقع هذي طبيعتي..الشي يأذيني أكيد..اكيد بتقولولي حاول تغير من نفسك....إجابتي مستحيل..كذا مره حاولت وكلها ادت الى الفشل...اقدر اتصنع..احط قناع عشان يحميني من هالكلام الجارح.انا مو بس سمعتها منه ..سمعتها من وايد ناس..ادري انهم يقولون هالكلمة عشان مصلحتي..بس اي مصلحة..انا ما اعاشر مغايرين وايد ولا اعاشر مثليين وايد..احس الكلمة واقفة شوكة ابلعومي....
إسلوبي بعض المرات يحسسني اني ما انتمي حق علم المغايرة و عالم المثلية...هل انا قاعد اقلل من قيمت نفسي؟ مادري
السوري
خلاص السوري الحين من زبالة التاريخ...ما رد على ايميلي و من بعدها خلاص..ما ابيه....انا ما اعرف عنه شي..ولا اعرف اطباعه او اخلاقه..انا انعجبت بس بشكله و نظراته..خلاص ما ابيك ...اللي فات مات..اهو مافي شي فات عشان يموت بينه !
5 comments:
لا تكدر نفسك ولا شي
هذي طبيعتك و ماتقدر تغيرها .. والي ما يتقبلك كيفه
عمر السجية ماكانت تقلليل من قيمة النفس .. بالعكس .. احسن مما تلبس قناع و تتصنع .. اهني صج تقلل من قيمت نفسك
انا بسألك سؤال .. من بتحترم أكثر
الي عنده اسلوب مغاير ولا مثل مايسمونه رجولي واخلاقه زفت
ولا اسلوب ناعم شوي .. واخلاق عالية ؟
يعني الناس العاقلة اكيد بتختار الاخلاق .. والمريضين هي الي بيفضلون الاسلوب على الاخلاق
و ماعلى المريض حرج
آخر كلام .. انت ما اجرمت لما كنت على طبيعتك .. الي بيتقبلك اهلاً وسهلاً .. والي مو عاجبه جهنم تاكله
وعن السوري .. ههه عطه طاف .. كل واحد مايدري عن هوى دار الثاني
:)
السلام عليكم .. شلونك شخبارك ؟
بصراحه افتقد بوستس صار لك فتره ما تكتب ولا شي أتمنى أنك تكون بخير وبأحسن حال
الناس وايد تقول وما يعجبها أي شي دام أنك مقتنع من نفسك هاذي إهي راحه ولا تعقد نفسك على أشياء ما تسوى
تحياتي لك ^^
mr.a7medo0o
هلا يا قمر
معاك حق اللي مو عاجية ينتف حواجبة...أكيد الأ
خلاق اهم..شلفايده من رييال خشن و اخلاقة زفت... السوري السوري..هيييه دنيا...مشكور على مرورك حبيبي
Turquoise
وعليكم السلام يا تركوازي..انا الحمدلله مشاية الأمور بفضل الله..تسلم يا حلو... القناعة بالنفس تكون الشخصية وتزيد الثقة بالنفس..انا لاحظت هالشي فيني..لما اكون واثق من نفسي و بمشيتي..الاحظ الكل يلتفت و يطالع..جيني شخص مهم او شي...المغزى من كلامي انه الثقة بالنفس مثل العطر الحلو الفواح.الكل يقدر يشمه..و تسلم على مروورك و مسس يو توووو
:)
alonegay
هاي اي شخص يقولك كذا
يدل على تفاهته ماعليك منه
ولاتحاول تغير من نفسك وعلى قولة هيفا
عالطبيعة كل شي احلى
alonegay
معاك حق اخوي..كل شي عالطبيعة أحلى
:D
تسلم على مرورك و صج فرحتني بكومنتك..واوا
Post a Comment