روميتي مثليييي !!!!!

السلام عليكم يا حلوين
لونق تايم نو سي يا حلوين ...أتمنى إنكم كلكم زينين بحمدالله..المهم بدش بصلب الموضوع

ذهبت إلى المطبخ لأجلب كوبا من الماء ليروي بحيرة عطشي التي جفت بسبب التمارين و الرقص الشرقي في تلك اليلة. وجدت روميتي جالسا على الطاولة و رأسه إلى الأسفل.. ماذا بك؟ سإلت
بدى يتحدث حياته الخاليه من الأمل المملوؤه بالوحده و الملل..ومن بين كلماته قال إنه يغار مني لأن لدي صديق العمر..إنهارت شفقتي عليه و بدأت أراضيه بكلامي و بينت لخ أن أنا صديق عمره أيضا...مسحت إبتسامته غبار الإكتئاب على ملامح وجهه. و بعدها بدى بالتكلم اكثر و أكثر..وخلال كلامه أذني إستاطدت كلمه "جاااي

فسإلته: أنا سمعت كلمه"جاي" في حديثك, هل قلتها أم أنا أتخيل؟
فقال: بعض الأحيان أحس بأني مثلي

فدخلنا بالنقاش..فعترف بمثليته و سرعان ما إعترفت أنا بمثليتي.. لم يغير إعترافنا شيء..ولكني أدركت إن لم يكن له صديق مثلي في حياته إلا شخص واحد عندما كان صغير و رحل

الحياة صعبة بدون أصدقاء مثليين..يفهمونك و تفهم..يصارحونك و تصارحهم...و الصديق المثلي يختلف إختلافا تاما عن الحبيب..ومن أهم هذه الإختلافات هي أن الصديق يدوم أما الحبيب يرحل و يجيء غيره (ليس بكل الحالات

سؤالي لكم؟ ها إعترفت لشخص بمثليتك؟ ماذا كان رده؟ أو هل حدث العكس؟ وما كانت رده فعلك؟

لن أرضي الجميع....بالطقعة

السلام عليكم..و إعذروني على الغيبة الطويلة..ويه تذكرت إغنية أصيل ماوحشتك يا حبيبي بعد هالغيبة الطويلة..حفظتها منكثر ما الوالدة تحطها بالسيارة..الله يحفظ أمهاتنا من كل شر ..قولوا آمين


المهم..موضوعي اليوم عن الرضا...و الرضا تعريفه بسيط..وما أحتاج أقولة..وأهم الرضا هو رضا الله ثم الوالدين ...أنا في شي إستوعبته بهل إسبوعين وهو إني أنا أحاول دوم أرضي الجميع..حتى الناس اللي يكرهوني أحاول أرضيهم..إكتشفت إني أنا أرضيهم عشان أرضي نفسي..لا أكثر ولا أقل...أنا دوم أسعى إني أكون محبوب الجميع..بس الحسن بطقعة..اللي مو عاجبة يطق راسه بألف طوفة و يقط نفسه من أطول عمارة...

أنا ما أبي أعيش حياتي و كله متوتر و مدوده..أخاف راعي التكسي زعل مني...ويه جني أذيت المحاسب بكلامي...بالطووووووفة....لو أييب القمر و الشمس إبإييد ماراح يعجبهم...الحياة قصيرة...أنا ماراح أضيعها حق غيري...أكيد لازم نهتم بالأشخاص القراب منا..بس أحد علاقته سطحية معاي (بالطقعة)

سوري إذا البوست في وايد سب و كراهية..بس صج لما كتبته شال ثقل كان على قلبي...أتكنى للجميع الهداية و التوفيق بالحياة الدنيا و الآخره....هاف أ نايس داي قايز


أيي و أبي رايكم بالرسمة السريعة هذي ... :)

دليل الرجيم (للمتان و اللي يبي يضعفون

اليوم موضوعي عن الرجيم و إنشاءالله تستفيدون منه

كلنا نتعب و نعاني عشان نوصل حق هدف. يمكن يكون الهدف أحسن وظيفة, درجة عالية بالإمتحان, القبول بجامعة معينة, الزواج, الجنة او أي هدف اللي في بالك و إنشالله يكون هدف زين و حلو

الإرادة
كل هدف يحتاج شي عشان توصلة. مثلا تبي تروح الجمعية بعز الظهر, ما تقدر تمشي بهالقايلة و هالحر, فأكيد بتروح بسيارة, السيارة أهي الوسيلة أو الأداة اللي تحاجها عشان توصل حق هدفك. أداة الرجيم الناجح أهي الإرادة. لا تقول صعبة, ما أقدر, إنشالله بعدين أبي أضعف, هالحجي عمره ماراح يفيد
الإرادة مو صعب إنه تحصله, لازم تقنع نفسك من داخل إنك بتضعف وراح تسوي أي شي عشان تسير نتفة و رشيق. مو عيب إنه الإنسان يحاول و يفشل. العيب إنه يقعد مكانه و يقول ابي أضعف. أنا حاولت فوق العشر مرات في مرات فشلت و في مرات نجحت
عمليات الشفط و البلونه بالمعدة و تحويل المجرى و الحبوب
صدقوني هالعمليات راح تفشل بعد فترة. في ناس ضعفت منها وردت متنت أكثر من قبل. وفي ناس ضعفت منها و حافظت بس يوميا لازم ياكلون حبوب و مايقدرون يتحركون مثل قبل يعني لياقتهم ضعيفة حيل

شخص يضعفك
يمكن إذا رحت عند دكتور يضعفك و يسير جسمك إينن ..لاااااااااااااااا..أي احد يقولك جذي اهو ماعنده خبره بالرجيم..الحبيب ما يقدر يضعفك حتى لو صبرت عليه...المدرب ما يقدر يضعفك لان بكل بساطة تقدر تاكل بالبيت و تهد النادي..ابوك او أمك مايقدرون يضعفوونك.....محد يقدر يضعف...الرجيم على الله ثم عليك...إعتمد على نفسك...الرجيم يكون من داخل...حتى لو ضعفت من قبل شخص, ماراده هالشخص بيختفي من حياتك و ترد تمتن

الحرمان
الحرمان اهو السبب الأول لفشل الرجيم. لا تحرم نفسك من أي طبخة او من أي أكلة.. إكل بس بكمية قليلة..تبي عيش إكل نص الكمية المعتادة اللي تاكلها..و إذا كانوا مسوين عشى و بخاطرك تاكل.. لا تاكل, إخذ صحن و حط منه و خشة حق باجر إكله, انا كنت أسوي جذي...لان إذا حرمت نفسك راح تتعب و بعدين راح توقف رجيم....لا تاكل بليل..الأكل بليل راح يثبت وزنك أو يزيده. لااااااااااااا للعشاء

الناس
الناس عقبة من عقبات الرجيم..لانهم يقنعونك إنك تاكل..لما تسوي رجيم لا تقول حق أي أحد...الرجيم خله سر من أسرارك..و إذا أحد سإلك قوله لا بس أخفف...و إذا أحد يبيك تاكل عشى قول تغديت متأخر..يعني إلعب بالحجي..لا تسمع أحد ...لا تخلي أحد يضعف من إرادتك..جسمك ملكك و ملك رب العالمين....

الرياضة
الرياضة مومن أول يوم رجيم..لان اول 5 و 10 كيلو يطيحون بدون رياضة....لا تحاول تسوي رياضة إتعبك عشان لا تمل بعدين....ابسط رياضة مشي مدة ساعة, سويدي مدة ساعة..أي شي يخليك تتحرك مدته ساعة.. حاول تخلي الرياضة بالبيت عشان لا تتكاسل...بس إذا تحب تروح الجم , جذي بكون أفضل

عقبات أخرى
ثبات الوزن شي ينرفز..في مرحلة بالرجيم يثبت وزنك ولا ينزل حتى لو كليت أقل...الحل اهو إنك تكسر الرجيم مدة يومين..يعني تاكل عشى و تكسر نظامك بس يومين...بالهطريقة تخدع جسمك...و بعد هاليومين يبدى ينقص وزنك
يوم فري..هاليوم يكون يوم واحد بالإسبوع و يفضل يكون بويكند...بس هاليوم ماتسويه إلا بعد شهرين من الرجيم..لان إذا سويته بأول إسبوع من الرجيم..راح توقف الرجيم
بعدين بعدين(التأجيل)..هذي هالكلمة خطرة بعنى الكلمة...لان تخليك إتأجل و تأجل توقف كل شغلك
قياس الوزن...قياس الوزن لازم يكون إسبوعيا أو كل 3 او 5 أيام..لان لو تقيسة باليوم يتغير الوزن أكثر من مره...خاصة بعد ما تاكل يزيد كيلوين تقريبا....و أحين وقت قياس يكون الصبح و تدرون ماكو عشاء...
بليل لا تتعشى...و بليل صعب...لان بطنك خالي و يوعان حييل....إشرب جاي أخضر أو أي نوع ثاني (بدون شكر) أو إكل علج مال رجيم...لان في علوج فيها كلوريات عالية

الإنجاز
الرجيم إنجاز مو اي شخص يسويه..القوي اللي يسوي و يكمله لآخر الطريج.....الحياة بعد الرجيم غيييييييير....نظرة الناس لك تتغير...لبسك يتغير...نفسيتك تتغير...شكلك يتغير...كل شي يتغير.. الرجيم إنجاااااااااااااااااااااااااااااااز

سوالف 2

إسترجل

هذا المعنى اللي صديقي..اقرب الناس لي...قطه علي بكل برود...انا ما اقول اهو غلطان او شرير..بالعكس كلامه صح..بس الطريقة اللي قالها صج جرحتني..انا قاعد اكتب هذا الكلام و دمعتي ليلحين ما جفت من خدي..

انا دوم كان اسلوبي ناعم شويه من كنت صغير الى اليوم..انا ما تربيت ويه بنات..بس اتوقع هذي طبيعتي..الشي يأذيني أكيد..اكيد بتقولولي حاول تغير من نفسك....إجابتي مستحيل..كذا مره حاولت وكلها ادت الى الفشل...اقدر اتصنع..احط قناع عشان يحميني من هالكلام الجارح.انا مو بس سمعتها منه ..سمعتها من وايد ناس..ادري انهم يقولون هالكلمة عشان مصلحتي..بس اي مصلحة..انا ما اعاشر مغايرين وايد ولا اعاشر مثليين وايد..احس الكلمة واقفة شوكة ابلعومي....

إسلوبي بعض المرات يحسسني اني ما انتمي حق علم المغايرة و عالم المثلية...هل انا قاعد اقلل من قيمت نفسي؟ مادري

السوري

خلاص السوري الحين من زبالة التاريخ...ما رد على ايميلي و من بعدها خلاص..ما ابيه....انا ما اعرف عنه شي..ولا اعرف اطباعه او اخلاقه..انا انعجبت بس بشكله و نظراته..خلاص ما ابيك ...اللي فات مات..اهو مافي شي فات عشان يموت بينه !

أنا مثلي و أنا لست لوطي

أنا مثلي ولست لوطي

بصراحة هذا موضوع حبيت أتكلم فيه من زمان بس ما كان عندي وقت. تكلمت بأحد البرامج للشات على الصفحة العامة و كان هذا الخطاب ...أنا هو بون بون..و سوري على كثرة البدليات..كنت واايد مندمج

<+BonBon_91> أنا مشلم عربي مثلي...و مثلي تعني شاذ..و مو معناته إني شاذ يعني إني عاصي...لازم ما نستسلم حق رغباتنه و شهواتنه

<+BonBon_91> لازم مانخليها طوق برقبتنه

<+BonBon_91> الله حطنا بهل دنيا إختبار

<@_3Tej_> اكيد طبعا

<+BonBon_91> يشوف فيها من يحبه و من يخافه

<@_3Tej_> ونعم بالله

<+BonBon_91> أدري إنا مجتمعنا شوي قسى على المثليين....بس خنثبتلهم إحنا ناس نظيفه و محترمه...

<+BonBon_91> الله يبلي العبد اللي يحبة..و المثلية بلاء

<@_3Tej_> نعم لازم بالاخير الزين يغلب الشين

<@_3Tej_> الحمدالله على كل شيئ

<+BonBon_91> الحرام حرام...و الصبر مفتاح الفرج

<+BonBon_91> لا تستسلمون ياالمسلميين يا العرب يا المثليين

<+BonBon_91> الحياة فتره م}قته و بتنتهي

<+BonBon_91> مؤقته**

<@_3Tej_> جزاك الله خير اخي العزيز بون بون

<@_3Tej_> لكن كثرت البدليات في حديثك

<@_3Tej_> وهذا كله من الشوق واللهفه في نصيحتك

<+BonBon_91> وييه سوري

<+BonBon_91> و آخر جملة افولها لكم

<@_3Tej_> انها بادره طيبه منك

<@_3Tej_> افولها

<@_3Tej_> نعم

<@_3Tej_> فولها

<+BonBon_91> كن مثلي ولا تكن لوطي ..صونوا نفسكم و حافظوا على فروجكم

<@_3Tej_> جزاك الله خير

<+BonBon_91> وسلامتكم

<@_3Tej_> وما قصرت على هذي النصائح التي لا تقدر في ثمن

<@_3Tej_> والله يسلمك

<@_3Tej_> والسلام ختام

<+BonBon_91> و شكرا لعتيج و لتفهمه

<@_3Tej_> والسلام عليكم ورحمة الله وبركاته

<@_3Tej_> العفو عزيزي بون بون

<+BonBon_91> :)

سؤالي لكم: ما هو رأيكم بالمثلية و اللواط ؟ ( كل الآراء مسموعة

سوالف

أول شي أنا مس يو أووول حده ...و أتمنى إنكم تقبلون إعتذاري يا جمهوري الكريم (شايف نفسه) و إنشالله تكونون بخير و بصحة و بسلامه ... الجامعة يننتني ..من واجب لي واجب من مبنى لي مبنى من كلاس لي كلاس من رقص شرقي لي الجم



Room Mates

بعد ما وصلت أمريكا و خذيت تكسي من المطار و رحت الأوفس عشان آخذ مفتاحي. بطلت باب الشقة . ما كان في أحد قاعد. رحت حطيت أغراضي بداري. وله أروح الصالة و أشوف بنية شعرها برتقالي مثل الصورة. و أسلم عليها و حسبتها إهية روميتي. وبعد ثواني يه الريال اللي بالصورة و سلمت عليه..و يقولي حبيبته بتقد إهني شويه...قتله أوكي

مرو إسبوعين و كل يوم إزعاجهم واصل لي داري... و يتهاوشون و دراما أمريكية بحتة...رحت إشتكيت عليهم بالمكتب ... و بعدها بدلت شقتي و سكنت ويه واحد كويتي الحمدلله...صج يننوني ...ما أقول إلا الله يهديهم.. و نصيحتي لكم لا تسكنون ما روميت إذا ما كنتم تعرفونه

رقص شرقي

مادري شفيني ..مادري شحايشني أو ساكني ... بصراحة صار عندي إهتمام كبير برقص الشرقي... قمت أحط طقات بيوتوب و أقعد أرقص شرقي...مرتين بالإسبوع أو أكثر...أحس إني حر , مغري , مسلطة علي الأضواء. سرت روبي ههه... المهم إستانست واايد على هالرياضة...

موسم صيد السوري

صديقي إم دي المفضل و أقرب واحد من أصدقائي اللي ما يعدون عد الأصابع ... طاح على فيس بوك السوري..أنا ينييت ...تدوودهت تغربلت تهرطقت (هذي مطلحات تعني إني فقدت السيطرة من قبل أحد) المهم مادري شسوي بنفسي.. و بصراحة تجرأت و بطلتلي إيميل و دزيتله رسالة تقول إني انا معجب فيه...ما أدري إذا أهو مثلي أو مغاير أو باي أو شقصت يده... المهم , أحس إني نادم لأني دزيتله ...مادري...بس ما وصلي منه إيميل و أنا صارلي إسبوع داز الإيميل...و اهو مو من النوع اللي يبطل النت واايد... الله كريم

عيدكم مبارك و سوالف

عيدكم مبارك يا حلوين. و كل عام و إنتم بخير. إعذروني على هالغيبة الطويلة. إلحين أنا رجعت أمريكا عشان أكمل دراستي و إنشغلت وايد و ما كان عندي وقت أكتب شي بالبلوق

الآن سكنت بمكان يديد و بصراحة يفتح النفس. سكنت بشقة و فيها روم ميت معي و حبيبته 24 ساعة عنده , هما الإثنين أمريكان و جيدين و الله يهديهم. و الجو متقلب بس بصراحة صاير حلو. لا حر و لا برد.

سأقول لكم القصة من أولها إلى آخرها. إتصل علي طالب من الدول الشقيقة الذي أعرفه مدة 5 أيام فقط في آخر يوم برمضان و يريدنيأن أتفطر عنده. قلت له لا أقدر ليس لدي سيارة و مكانك بعيد. فقلت له شرايك إنروح باجر (أول يوم بالعيد) مطعم نتغدى فيه. قال لي فكره حلوه. و غدا إتفقنى إنه نلتقي بمكان و بعد الحوسه و العفسة. أتى تكسي عند بيتي و خذاني و خذاه. و أنا أريد مطعم أبل بيز و هو يريد مطعم شيز كيك فاكتوري و قلت له لنذهب لشيز كيك فاكتوري. و عندما و صلنا عند المطعم أنا دفعت حساب التكسي بسرعة (27) دولار. و قال لي لماذا دفعت قلت له عادي ما فيها شي.

و بعدين دشينه هالشيز كيك فاكتوري. النادلين(الرجال) الذين يشتغلون بالمطعم عارضين أزياء (مووو صج!!!). و عندما جلسنا قال لي إنه نسى الكرديت كارد. و أنا تعجبت و قال بعدها أنا سأدفع لك لاحقا. و بعدها أمسك هاتفه و لا أدري ماذا يفعل به و ساد الصمت لعشر دقائق. و حاولت أن أفتح موضوع نقاش ولمن بلا فائدة إلى أن إنتهى من الهاتف. و بدأ يتكلم عن طفولته و كيف كانت و بعدها دخل بالحديث على هتلر و بعض الملوك و قصص بعض الأشخاص الذين حققوا النجاح. و بصراحة بدأت أشعر بالممل من هذا الحديث و لكن بعض قصصه كانت شيقة. و بعد إنتهاءنا من الغداء أتت الجرسونة لندفع الحساب كان الحساب (45) دولار و وضعت دولاران زيادة بقشيشا للجرسونة و لكنه قال : البقشيش يجب أن يكون عشرة بالمئة من الفاتورة. أحسست بالإحراج أن يعتقد إني بخيلا أو شيئا كذلك و وضعت 5 دولارات و لكنه يجب أن لا يتكلم لأنه هو الذي في الوضع الحرج و ليس أنا. الآن الفاتورة أصبحت (50) دولار و كان طلبه أكثر من أغلى من طلبي

خرجنا من المطعم و أصر أن نذهب الباص للداون تاون للحاق بالباص الآخر الذي يخرج من الداون تاون الى الجامعة. قلت له لنأخذ تكسي سيكلف ولكن أفضل من ركوب ثلاث باصات للوصول الى منزلي ولكنه أصر فقلت له إذا كنت تريد أن تذهب بالباص إذهب و لكني أريد الذهاب بالتكسي و قال إذا سأذهب معك بالتكسي. و بعدما و صلنا الى منزلي دفعت للتكسي ما بقي في محفظتي (29) دولار و كان الحساب (30) دولار و سألته إن كان لديه كاش و قال لدي بضع دولارات و أخذت دولار منه. و ذهب الى المنزل مشيا و انا صعدت شقتي. كان أسوأ عيد فطر لي و الحمدلله على كل حال.

المبلغ الإجمالي الذي دفعته انا هو (106) و أطالبه (106 تقسيم 2) = 53 و لا ننسى إنه طلب أكثر مني في المطعم فسيصبح حسابه 64 أنا لست بخيلا و لكن الحق حق. و أنا في آخر الشهر و أحاول أن أوفر قدر المستطاع. و الحمدلله على كل حال.